Aina za Bima ya Afya Tanzania

Aina za Bima ya Afya Tanzania, Bima ya afya ni muhimu sana kwa kila mtu, kwani inasaidia kupunguza gharama za matibabu. Tanzania, kama nchi nyingine, ina aina mbalimbali za bima ya afya ambazo wananchi wanaweza kuchagua kulingana na mahitaji yao na uwezo wao kifedha. Makala hii itazungumzia aina tofauti za bima ya afya zinazopatikana nchini Tanzania.

Mfuko wa Taifa wa Bima ya Afya (NHIF)

NHIF ni mfuko wa bima ya afya wa umma ulioanzishwa na serikali. Mfuko huu unalenga kuhakikisha kuwa wananchi wanapata huduma bora za afya kwa gharama nafuu.

Walengwa wa Huduma za NHIF:

Watumishi wa Taasisi za Umma na Serikali
Watumishi wa Sekta binafsi za ajira
Watumishi wa Madhehebu ya dini
Madiwani
Wanafunzi wa Shule, Taasisi za Elimu na Vyuo vya Elimu ya Juu
Wanachama wa vikundi maalum kama SACCOS, vikundi vya ujasiriamali
Watu binafsi
Watoto

Manufaa ya NHIF:

Mtandao mpana wa vituo vya matibabu zaidi ya 6,000 nchi nzima.
Inagharamia matibabu sawasawa kwa wanachama wake wote bila kujali kiasi au kiwango cha uchangiaji.
Huduma za matibabu hutolewa kadri ya mahitaji na ushauri wa daktari.
Kiwango cha mchango hakiangalii hali ya afya ya mwananchama.
Mwanachama ana nafasi ya kusajili wategemezi wake kulingana na taratibu zilizopo.
Kadi ya NHIF hutumiwa katika kituo chochote cha afya kilichosajiliwa na NHIF popote Tanzania.
Mwanachama mstaafu ana nafasi ya kuendelea kutibiwa na NHIF bila kuendelea kuchangaia kwa kufuata taratibu zilizowekwa.

Kitita cha Mafao:

Kujiandikisha na kumwona daktari.
Vipimo zaidi ya 350 vya msingi na maalum kama CT-Scan na MRI.
Dawa zote zilizosajiliwa na zinazoruhusiwa kutumika hapa nchini.
Huduma za kulazwa kwa daraja la kwanza au la pili kulingana na makubaliano kati ya NHIF na Watoa huduma.
Upasuaji mdogo, mkubwa na wa kitaalamu.
Huduma za afya ya meno
Matibabu ya macho.
Huduma za mazoezi ya viungo (physiotherapy)
Miwani ya kusomea kwa mwanachama mchangiaji
Matibabu kwa Wastaafu na wenzi wao
Vifaa saidizi (Medical/ Orthopedic appliances) kama Fimbo nyeupe, magongo, vifaa vya usikivu, vifaa shikizi vya shingo, n.k.

Bima za Afya Binafsi

Mbali na NHIF, kuna kampuni nyingi za bima binafsi ambazo zinatoa huduma za bima ya afya. Bima hizi hutoa huduma mbalimbali kama vile matibabu ya nje, kulazwa hospitalini, matibabu ya meno, na mengineyo.

Mifano ya Bima za Afya Binafsi:

Jubilee Afya: Hutoa bima za afya za gharama nafuu na huduma muhimu kwa mtu binafsi na familia.
*Pamoja Afya na J Care Junior: Ni bima za watoto zinazotolewa na Jubilee. J Care Senior: Ni bima kwa ajili ya wazee, inachukua wazee kuanzia miaka 61 hadi 80, na mpaka miaka 85.

Bima za Afya za Hiari

Hizi ni bima ambazo mtu anachagua kujiunga nazo kwa hiari yake. Mara nyingi, bima hizi huendeshwa na mashirika yasiyo ya kiserikali au taasisi za kidini.

Huduma za Ziada za NHIF

Waajiri waliosajiliwa na NHIF wanaweza kuchagua huduma za ziada kwa wanachama wao. Huduma hizi ni pamoja na matibabu nje ya nchi, uchunguzi wa afya, malipo ya dawa zenye majina ya biashara, gharama za ziada za miwani, gharama za kulazwa katika wodi binafsi, huduma za dharura na uokoaji kwa kutumia ndege au gari la wagonjwa, na huduma za haraka za matibabu.