Nafasi Za Kazi Halmashauri Ya Wilaya Ya Bumbuli

Mkurugenzi Mtendaji wa Halmashauri ya Wilaya ya Bumbuli amepokea kibali cha ajira mpya kwa mwaka wa fedha 2024/2025 kutoka kwa Katibu Mkuu – Ofisi ya Rais, Menejimenti ya Utumishi wa Umma na Utawala Bora. Hivyo, anakaribisha maombi kutoka kwa Watanzania wenye sifa kwa nafasi zifuatazo:

1. MWANDISHI MWENDESHA OFISI DARAJA LA II – NAFASI 03

Sifa za Mwombaji:

• Awe amefaulu Kidato cha Nne (IV) au Sita (VI).
• Awe na Stashahada (Diploma) au Cheti cha NTA level 6 ya Uhazili.
• Awe amefaulu somo la Hatimkato ya Kiswahili na Kiingereza kwa maneno 100 kwa dakika.
• Awe na ujuzi wa kutumia programu za ofisi kama Word, Excel, PowerPoint, Internet, E-mail, na Publisher.

Majukumu:

• Kuchapa barua na nyaraka za kawaida na za siri.
• Kupokea wageni na kuelekeza wapi pa kupata huduma.
• Kutunza kumbukumbu na ratiba za kazi za mkuu wake.
• Kutafuta na kuratibu majalada/nyaraka.
• Kuandaa dondoo na vifaa vya mikutano.

Mshahara:

Ngazi ya mshahara wa Serikali – TGS C.

2. DEREVA DARAJA LA II – NAFASI 05

Sifa za Mwombaji:

• Awe na Cheti cha Kidato cha Nne (IV).
• Awe na leseni ya daraja ‘C’.
• Uzoefu wa kuendesha gari angalau mwaka 1 bila kusababisha ajali.
• Awe amehitimu mafunzo ya udereva kutoka VETA au chuo kinachotambuliwa na Serikali.

Majukumu:

• Kukagua gari kabla na baada ya safari.
• Kuwapeleka watumishi kwenye safari za kikazi.
• Kufanya matengenezo madogo ya gari.
• Kutunza daftari la safari (log book).
• Kusambaza nyaraka mbalimbali.
• Kusafisha gari na kazi nyingine kama atakavyoelekezwa.

Mshahara:

Ngazi ya mshahara wa Serikali – TGS B.

3. MASHARTI YA JUMLA KWA WAOMBAJI

• Awe Mtanzania mwenye umri kati ya miaka 18 hadi 45.
• Awe na cheti cha kuzaliwa.
• Awasilishe wasifu binafsi (CV) yenye anuani, namba za simu na majina ya wadhamini.
• Ambatanisha nakala za vyeti vya kitaaluma, kidato cha Nne/Sita na mafunzo mengine.
• “Statement of Results” au “Provisional Results” hazitakubalika.
• Ambatanisha picha mbili (passport size) za hivi karibuni.
• Waliosoma nje wahakikishe vyeti vyao vimeidhinishwa na TCU/NECTA/NACTE.
• Wastaafu wa Utumishi wa Umma hawaruhusiwi kuomba bila kibali maalum.
• Waombaji walioko katika utumishi wa umma hawaruhusiwi kuomba kwa nafasi hizi za kuingilia.
• Wanaotoa taarifa za kughushi watachukuliwa hatua za kisheria.

Mwisho wa kutuma maombi: 09 Juni 2025

4. MAELEKEZO YA KUTUMA MAOMBI:

Barua ya maombi iliyosainiwa iambatishwe na vyeti muhimu na iandikwe kwenda kwa:

Mkurugenzi Mtendaji,

Halmashauri ya Wilaya ya Bumbuli, S.L.P. 111,

BUMBULI.

Njia ya kutuma maombi:

Wasilisha maombi kupitia mfumo wa kielektroniki wa Ajira (Recruitment Portal): https://portal.ajira.go.tz

Imetolewa na:

Baraka M. Zikatimu
Mkurugenzi Mtendaji
Halmashauri ya Wilaya ya Bumbuli